الكلاسيكو والعيد

اول شي عيييييييدكم مبارك وعساكم من العايدين كل سنه وكل عااام وقرقيعان وقرقيعان


---------------------------


الييييييوم
الموووووووووووت
لقااااء الكلاسيكوووو
بين الريااال والبرسااا
كل التوفيق للفريقين
وادعو للريال بالفوز ;P

The KiNG Is Back

وااااااااو عدنا بعد غيااااااب

عدنا وعاد الملك والفتى الذهبي راؤوووووووووول

عاد ليمارس هوايته المفضله وهي تسجيييييل الأهدااااااااااااااااااااف

-----------------

الخطه الي وضعتها لضياع الوقت في رمضان لم تطبق بالحرف الواااااااااااااحد لاتسئلوني ليش

هاردلك لكل قدساوي ومبروك للعرباويه

يالله تشاو تشاو

انا & رمضان

ذكرت في موضوع سابق اني راح اتكلم عن مشاريعي في رمضان ونسيت اقولكم وإليكم الآتي
القراءة !!
بحاول اقرى اكبر مجموعه من الكتب في هالشهر الحين احنا في رابع يوم من الشهر الفضيل
قرأت لحد الآن كتابين
الاول كانتري فيل قوست للكاتب اوسكار وايلد
وثاني كتاب امسيات قرب قرية ديكانكا لنيكولاي قوقول
والحين تبي تبدي مباراة الريال في دوري ابطال اوروبا يالله
جاو جاو

دعواتكم

رمضان كريم

مباااااااااااااااااارك عليكم الشهر كلكم وهالله هالله بالصيام :P

After a WEEK !?

هممم اسبوع بلا كتابه في الحقيقه لم اكن مشغول بشئ لكن المزاج وما ادراك مالمزاج، خصوصا ان رمضان عالأبواب والواحد دايم يفكر فيه قومه من الصبح ونت صايم تروح الدوام وتشوف اشكال الناس واهي صايمه هذا شكله غلط هذا اشكره من الفراش عالدوام حتى الماي ماطق ويهه والبنات بدون مكياج جنهم "ميني مي" الي بفلم اوستن بورز.

مر اسبوع شسويت فيه، استمتعت بجهازي اليديد خصوصا اني خذيته بعد نطره وحنه ورنه وشاهدت مبارات الريال وفرحت بالفوز بالدوري وخصوصا انه الفريق يمتلك اقوى خط دفاع بدليل عدد الاهداف الي سجلت عليه وحزنت لخسارتنا في دوري الابطال ضد ليون اخطاء كثيره ومن يعلم اكثر من المدرب فابيو كابيلو إلا على فكره مايشبه سوبر مان لمن يتخفى بشخصية كلارك كنت ؟؟؟ شوفو الصوره

وعلى قولة جاسم اشكناني ولنئت للنهاية والســــــــلام ....

P990i = Smart Guy Needs A Smart Phone

اخيرا رقعنه الجهاز بعد معانات طويله لمدة سنه بالظبط حيث كان من المحدد ان يتم بيع الجهاز في شهر 10 سنة 2005

---

صارلي جم يوم ماقدرت اكتب لاني من البيتا تسترز للبلوق اليديد مادري ليش وهقت نفسي بهل شغله انشالله عندي موضوع ياي عن رمضان وشنو ناوي اسوي فيه هل سنه

بنات الرياض

غبت لمدة اربع ايام سببها طلعات مع الربع والاحداث الرياضيه وبنات الرياض
رواية بنات الرياض شغلت الكثير من الناس لفتره طويله وللأمانه لم تشدني هذه الروايه
في يوم الاربعاء على ما اعتقد خرجت انا وصديقي للغداء في احد المطاعم
وبعد الانتهاء من الغداء ذهبنا في جوله الى مجمع "المرينا مول" من طبعي الدائم ان تكون زيارتي للمجمعات هادفه انا لست من الناس الذي يدخل المجمع ويفتر فيه ست سبع ساعات ويطلع ايده فاضيه، دخلنا إلى "فيرجين ميقا ستور" ووجدت عند مدخل الكتب رواية بنات الرياض قلت في نفسي لما لا ؟؟
اشتريتها وقرأتها على فترة اربع ايام...
احداث القصه تدور عن اربع بنات صديقات وماحدث لهن من احداث في حياتهن
شدني في اول الكتاب عباره كتبتها الكاتبة في الهامش
"أي تشابه بين أبطال الرواية واحداثها والواقع هو تشابه مقصود"
ومن الاشياء التي لفتت انتباهي استخدام الكاتبه في بداية كل قصه بيت من الشعر او مقوله مشهوره مما يدل على ثقافتها العاليه حتى الآن وصلت الى الصفحه249 ذهب الكثير وبقي القليل وسأنتهي منها الآن
ولنئت الى النهاية والسلام

وعدنا إليكم

الحمدلله تشافيت بنسبة 90 بالاميه الله لايوريكم الي عانيته يهل جم يوم ...

سبب المرض: كل شي صار يوم ردة الاهل من السفر

كان يوم اليمعه ومادري ليش الاهل لمن دشو البيت سنترال البيت كله ضرب واخترب !!!! الوالد علطول مافصر

انت السبب احنا مو هني انت لاعب فيه

المهم حسيت بدوخه انا قلت بروح انام ماقدر انام بهل حر خييييييييييسه

طلعت وحده صغيره كنت شاريها حق الشتى !!!

انا من الناس الي يحب ينام بالبرد حتى بالشتى الاهل يطفون السنترال انا شاري وحده حقي اشغلها بالشتى

المهم انا نمت مشغل الوحده برد وناسه لام المخده

قمت ثاني يوم عوار مو طبيعي ببطني

وشي ينغز سري

عسى ماتحركت إلا عورني بطني

تميت يومين على هالحال إلى ان قررت اروح الطبيب

بما اني من سكان الجابريه فان اقرب شي لي هو مـــستشفى مبارك

رحت هناك جزاهم الله الف خير قالو مانقدر نعالجك روح مستوصف رميثيه واذا هناك عطوك تحويل حقنا نعالجك

قتله على طول وبدون أي تردد كثر الله من امثالك لهذا البلد المعطاء

رحنا رميثيه دشينا عالطبيب

قتله دكتور في عوار ببطني

على طول قالي العوار يروح ويرجع

"" انا استغربت قتله ايه شدراك ؟؟؟ ""

قالي انت نايم تحت تكيف بارد

" ياااااااااه والله انك دكتور اي نايم تحت تكيف بارد"

قالي لاتخاف جم يوم وتطيب وعطاني الدواء

-----------------------------

السبب الحقيقي للمرض هو اني نايم ومشغل الوحده والاهل اتصلو على شركة السنترال العمال يو وصلحوه

وصار تضارب عندي بالغرفه الوحده شغاله والسنترال شغال

اول مره يخون فيني البرد

اخيس شي بالمرض كان الدياريا الي اهو الاسهال :

المشكله اني يومين وره بعض ماكليت شي وفوق هذا نداء الطبيعه مستمر بشكل فظيييييييييع

اليوم الصبح قمت حسيت فيني شوية نشاط

قلت اروح الجنه مالتي الي اهو مجمع الرحاب بما اني من مدمنين الالعاب

رحت وعيني على لعبة ستريت فايتر حق البي اس بي وفعلاً لقيتها وشريتها

ورديت البيت وولعبت لعبت لين عورتني ايدي

وهذا كل الي صار فيني طوال الايام الي طافت

طبعا ماننسى اني كنت طريح الفراش والتلفزيون قبالي والمباريات آخر حلاوه

هذا كل الي عندي اليوم

أراكم قريباً

PS: لاحظتو التصميم اليديد ؟؟

لااااااااااااااااااااااا

sick

صارلي يومين ماكتبت حدي تعبان ومريض فيني صخونه ونشله ونزله معويه ودياريا

دياريا يعني اسهال :(

انشالله اول ما اخف واصير حصان اكتب اسباب المرض وشصار فيني بااااي

صور×صور

smart girl

nice shesha

Poor Ant

Nokia Pistol!

No Comment

Dubai 1990

Dubai 2003

New Tooth Brush lol

New Shaving way

Back 2 Kuwait

اليوم الاهل يردون الكويت فيني شوق ياترى لهم او للصوغه !!؟
مع انه الصوغه انا مختارها موصيهم على اشرطة بي اس بي وسيديات اغاني :)
----
امس كان خوش يوم تيمعنا ببيت يدي مثل كل خميس بس شيشت عيال عمي نلعب كره رحنا لعبنا اخر اللعبه لحم صبعي الكبير مات لاتشوفون بقعه سوده شكلها مو طبيعي اول مره تصير فيني والعوار ماينوصف :"(
رحت بعت تلفوني الإن80
لان البي990 نزل باجر بروح اشترييه هياااااااااااااااااااا

The Best Of Raul

راؤول والمدام

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
اليوم مالي خلق اكتب يايبلكم فيديو عن افضل لقطات واهداف راؤول وفيه اول مباراة لعبها اول هدف له بالدوري الممتاز اترككم معاه

Home Alone

ايواااااااااااا طقم طقم طقم الاهل سافرو سفره مفاجئه انا وحيد بالمنزل هووووووووم ألوووووووون، لطالما كنت من عشاق سلسلة افلام هوم ألون وماعتقد ان اي واحد ياهل شاف الفلم ماتخيل نفسه مكانه، احلى شي قمت الساعه تسع البيت فااااااااااااااااااااااااااااااااضي صخه مافي صوت احب الوحده في البيت انا بل اعشقها لاني اخذ راحتي بكل شي مو ملزوم بشي مصرفي بجيبي سيارتي فيها بانزين شبي اكثر من هذا ;P
بالأمس كانت لعبة برشلونه بدأة بداية حلوه سيلتافيقو تقدم بهدف اصبحنا كالمجانين انا وولد عمتي ومرت احداث المباراة الى ان سجلوا التعادل قلنا مااااااشي تعادل هم زين شوي ولا حاطين قول ثاني ايا عيال الكلب حقدنا عليهم ماكو سبه ماقلناها سفلنا بامن يابتهم الفريقين ظلو يلعبون يلعبون مره وحده من فاول سيلتافيقو حط القول الثاني صرت مينون انا قمت اركض شوي ولا ولد الكلب قوديونسون حط القول الثالث خره على سيلتافيقو ماعرفو يحافظون النتيجه :تخلصت من جهازي نوكيا8800 عن طريق مبادله مع ولد عمي عطاني جهازه ان80 وفوقهم 50 دينار
موهذا مشروعي، مشروعي اهوا السوني اريكسون P990i
آآآآه متى ينزل الجهاز تقريبا سنه كامله وانا انتظره بس اكدولي انه اول شهر تسعه راح يكون موجود بالاسواق
هذي صوره للجهاز الموعود :(

يافرحه ماتمت

تركت البيت وكان وجهتي الى احد المقاهي في المجمعات على طول طرى ببالي ستاربكس المرينا لان قعدته حلوه عند النافور منظر يفتح الcharles dickens انفس، قلت لازم استغل طلعتي بشي مفيد عندي كتاب اولفر تويست للكاتب الرائع

اخذت قهوتي ورحت على طاوله حلوه وبلشت اقرى وصلت تقريبا للصفحه السادسه ولا تلفوني يرن الو هلا يبا آمرني وين ماشي خير انشالله يالله مسافة الطريج، الوالد ناسي اوراق مهمه بالبيت ودق علي اييبهم له :\

شفتو حظي هذا انا لم اواجه إلا الصعوبات

Me & Raul & Superman !

قعدت من النوم على صوت الاهل الساعه ست الصبح!! طلعت اشوف شالسالفه ولا العموم رايح يتريق بمركز سلطان، اعتذرت عن الدعوه واكملت نومي ومادري شكثر مر من الوقت قبل لا افز مره ثانيه على صوت الاهل بس هالمره داشين البيت اعلنت انهزامي للنوم لأني من الناس اذا فز من نومه مايعرف يرجع ينام، اول شي طرى على بالي مباراة الريال في الامس واسترجعت احداثها وكلما تذكرت تمريرات راؤول ابتسمت وتذكرت احداث مباراة تشلسي بالأمس مباراة عاديه جدا اسلوب متواضع اكثر من اللازم من البلوز.
من اكثر الشخصيات التي اثرت في حياتي اهي شخصية سوبرمان
اذكر اني كنت اشاهد الفلم وانا صغير واتعجب كيف انسان يطير وسريع وقوي ويستطيع ان يرى خلف الطوفه و و و و و
اذكر يوم كنت صغير ويصير عندنا يمعة اهل وكنا نلعب احنا اليهال كنت اربط شرشف او جيس المخده برقبتي يعني جناح واسوي روحي سوبرمان واطق اليهال الي اصغر مني واسوي روحي يعني انفخ واهما يطيرون مساكين الكل عايش الدور في ذاك الوقت ايام ليتها تعود.
اليوم اعتقد اني راح اطلع لان مافي إلا مبارات اليوم هممم المرينا نسيت شكله سوق شرق مادري وينه ضيعت مكانه لمدة اسبوعين تقريبا ماطلعت من غرفتي الاحداث الرياضيه تبدأ من الساعه 2 الظهر تنتهي في الساعه 12 نص الليل، يلعب اليوم في الدوري الاسباني برشلونه وسيلتافيقو اتمنى خسارة البرسا :/ اكرههم كرها شديداَ مادري ليش ؟
يمكن لانهم العدو اللدود لي ولراؤول ولسوبرمان !؟؟
المباراة في الساعه العاشره مساءا ولا يوجد حدث رياضي مهم اليوم غيرها لذااا
قررت ازرق من البيت واطلع اشوف الناس الي نسيت اشكالهم
بما اني من الناس التي تكره الازدحام وماتشتهيه خير شر
طلعتي راح تكون صباحيه في الصبح يعني
المجمعات تفتح الساعه 10 اروح اشوف شنو في يديد نازل عندنا بالاسواق واشوف شصار بالناس هالهي على حالها تحاول ان تلاحق بالغرب بكل شي
ام انهم تعقلو ام انهم اصبحو اكثر جنونا واخترعو شي جديد
الساعه عشر إلا ربع موعد الخروج حان جاو جاو




PS: اخيرا عرفت شلون احط الصور لووووول انشالله راح اعدل الموضوع السابق

The End Of The Beginning !!

انتهى اليوم بالنسبه لي بعد مباراة ريال مدريد صارلي تقريبا اسبوعين ماطلعت من البيت
والسبب اهو بدء الموسم الرياضي وكماهو معروف عني باني اعشق كرة القدم
فانا اتابع كل من الدوري الكويتي والانقليزي والاسباني والايطالي
اما عن فريقي فهو الملكي ريال مدريد انتهت اول مباراة لهم في الموسم الجديد بالتعادل السلبي ضد فياريال اداء لم يكن مقنع كثيراً لكن لا بأس به بما ان تشكيلة الفريق جديداً
آداء ولا اروع من كابتن الفريق راؤول لاعبي المفضل
-------
قريت جرايد اليوم ولفت نظري "أو" لفت نظر اي واحد قرى جريدة الوطن اليوم
مدرسة تعليم فن الرقص الشرقي، الظاهر الناس بطلت تعلم أدب وشعر وعلم أو حتى باليه فن رقص عالي المستوى لكن كان علينا أن ننحدر لمستوى رقص الكباريهات
ويحيا العلم !!

PS: كنت بحط صورة الطالبات الي بالمدرسه وبما اني يديد في عالم البلوق توهقت وماعرفت شسوي مع اني طقيت ابلود ايميج بس مارضت تطلع على العموم هذا اللنك
http://img182.imageshack.us/img182/3828/bellydancerg4.jpg

The Beginning ...

هممم
من فتره طويله وانا اقرى في البلوق لناس كثير بس ماطرى على بالي اسويلي بلوق خاص لي مادري ليش !!؟
اليوم وانا قاعد اطالع مسلسل قيلمور قيرلز فجأه وبدون اي مقدمات لقيت نفسي داش البلوقر وسويتلي اكاونت!!
راح اتكلم اليوم عن افصاح المكنونات
قريت مره في مجله علميه ان افضل طريقه للإنسان انه يطلع الي بداخله اهي
الصراخ !!؟
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
وبصراحه يوم قريتها شدتني الطريقه
نطرت يوم البيت فاضي
الاهل طالعين
رحت الصاله الكبيره ومره وحده صرخت صرخه من قمة راسي جني من الناس الي يتعذبون بالكهربا مثل الي نشوفهم بالافلام !!
وسويتها مره واثنين وثلاث
ماشوف الا الخدامه المسكينه يايه تركض سير انور سير انور ايس مشكل
لووووووول
عالم غريب :P
تحياتي لكم:
انور البلام